21
Ministria e shëndetësisë në Gaza njoftoi të dielën se numri i të vdekurve nga lufta e Izraelit në Gaza ishte rritur në më shumë se 52,000 persona, pasi qindra të listuar më parë si të zhdukur u konfirmuan të vdekur.
“697 martirë të tjerë janë shtuar në statistikat kumulative pasi të dhënat e tyre u plotësuan dhe u verifikuan nga komiteti që monitoron personat e zhdukur”, tha ministria e shëndetësisë në një deklaratë, duke dhënë numrin e përgjithshëm prej 52,243.
Disa agjenci të Kombeve të Bashkuara që operojnë në Gaza kanë thënë se të dhënat e ministrisë janë të besueshme dhe ato citohen shpesh nga organizatat ndërkombëtare.
