Tirana në krah të Gazës: Qytetarët protestojnë për Palestinën

Qytetarë të shumtë u mblodhën sot në sheshin “Skënderbej” në Tiranë për të protestuar kundër agresionit izraelit në Rripin e Gazës dhe për të shprehur solidaritetin e tyre me popullin palestinez.

Protestuesit mbanin pankarta me mesazhe si “Liri për Palestinën”, “Stop Gjenocidit”, dhe “Ndalo Apartheidin”, duke kërkuar ndërhyrje ndërkombëtare për ndalimin e dhunës. Tubimi u zhvillua në mënyrë paqësore, me pjesëmarrjen e qytetarëve të grupmoshave të ndryshme, përfshirë të rinj dhe aktivistë të shoqërisë civile.

Organizatorët theksuan se qëllimi i protestës ishte të ngrihej zëri kundër padrejtësive dhe të dënohej ashpër dhuna ndaj civilëve të pafajshëm.

Mesazhi i protestës ishte i qartë: Tirana qëndron në solidaritet me Palestinën.