Një formë e re vdekjeprurëse e sulmit po përdoret në Rripin e Gazës nga ushtria izraelite: dronët vetëvrasës. Këta dronë të vogël, por jashtëzakonisht të fuqishëm, po hidhen mbi grumbuj të familjeve të zhvendosura, duke u shpërthyer mbi ta në çast dhe duke shkaktuar viktima civile në masë.
Sipas burimeve nga terreni, shumë nga këto sulme ndodhin kur civilët mendojnë se janë të sigurt në zonat ku janë larguar nga shtëpitë e tyre për shkak të bombardimeve. Në vend të strehës, ata gjejnë vdekjen nga një teknologji e përdorur në mënyrë çnjerëzore.
Kjo taktikë, që po konsiderohet si një “formë e re e vdekjes”, po shënjestron qëllimisht turma të civilëve – gra, fëmijë dhe të moshuar – duke rritur ndjeshëm numrin e viktimave në Gaza dhe duke thelluar krizën humanitare në rajon.
Aktivistët për të drejtat e njeriut e kanë cilësuar këtë metodë si një nga shkeljet më të rënda të ligjit ndërkombëtar, ndërsa bashkësia ndërkombëtare vijon të heshtë përballë tragjedisë që po ndodh çdo ditë në sy të botës.
